Mr. Sharma ne yeh sunte hi apne hosh kho diye aur woh wahin neeche gir gaye. Manju aur uski maa yeh dekh kar chonk gaye aur jaldi se Mr. Sharma ki taraf bhaage. Manju rote hue boli, "Papa utho... Papa... please uth jao..." Mrs. Sharma ne jaldi se hospital call ki. Ambulance aayi aur jab wapas ja rahi thi, to sabhi ados-pados ke log afsos karne lage.

Mr. aur Mrs. Sharma hospital pahunche. Manju ke papa ko jaldi se operation theatre mein dala gaya aur unka ilaaj shuru kar diya gaya. Manju operation room ke saamne baithi thi aur bahut zyada ro rahi thi. "Yeh sab meri wajah se hua hai. Yeh maine kya kar diya? Bhagwan ji, please papa ko bacha lo. Mujhe pata hai meri galti maaf karne layak nahi hai, par main unko takleef mein nahi dekh sakti. Please Bhagwan ji."